No Día da Patria Galega do 2019.
Hoxe, no Día da Patria Galega deste ano 2019, 25 de xullo, quería ir un pouco alén dos tópicos encol da miña nación, a Galicia.
De feito, hoxe estou a escribir desde outra nación, a Castela, na cidade de Madrid; amais veño de chegar dunha terceira nación ibérica: o Reino de Valencia.
Coma dicía, hoxe quería ultrapasalos tópicos patrióticos.
I entón, devagariño, chégame, á pantasma da memoria, a lembranza dun vello anuncio dunha empresa de viaxes i ensino lingüístico. Era algo así coma un cadelo vestido vagamente co típico xersei e mailo pantalón curto que levan os turistas europeos ou os estudiantes de ensino medio e universitario en intercambio académico de países. A cravata do cadelo, posto en pé e debuxado de xeito humanizado, sorrinte, tiña en tira vertical unha enchenta de bandeiras dos diferentes idiomas e países europeos: inglés, irlandés, italiano, polaco, grego, sueco, turco, castelán, francés...
E dous lemas acompañaban ó cadelo.
A Europa é unha nación. Aprende os seus idiomas.
A Europa e un país. Percorre as súas provincias.
Abofé, sendo coma era un reclamo dunha axencia turística e academia de idiomas... era i é verdade.
Ó meu ver, hoxe e hai séculos a nosa gran nación de valóns, galegos, finlandeses, vascos, franceses, malteses, turcos, israelís, palestinos, húngaros, españois, etcétera, é a nación europea.
Fagamos Patria Galega facendo Patria Europea. Non a patria dos avogados, os banqueiros, os recadadores de impostos e os políticos profesionais, senón a Europa dos pobos e fundamentalmente dos individuos ilustrados e ceibes.
¿Que vos parece? Viaxemos polas provincias europeas e aprendámolas linguas da nosa nación de nacións: a Europa.
No día da Patria Galega do 2019.
- Alexandre Xavier
- Mensajes: 2892
- Registrado: 08 Feb 2012, 00:46
- Rango personalizado: Filósofo revolucionario desde la tradición metafísica clásica, oriental y occidental.
- Ubicación: Monforte de Lemos, Galicia.
- Contactar:
No día da Patria Galega do 2019.
Cordialmente, de Alexandre Xavier Casanova Domingo, correo electrónico trigrupo @ yahoo . es (trigrupo arroba yahoo punto es). La imagen del avatar gráfico es una fotografía que me identifica realmente, no retocada, tomada en septiembre del año 2017.
- Alexandre Xavier
- Mensajes: 2892
- Registrado: 08 Feb 2012, 00:46
- Rango personalizado: Filósofo revolucionario desde la tradición metafísica clásica, oriental y occidental.
- Ubicación: Monforte de Lemos, Galicia.
- Contactar:
Re: No día da Patria Galega do 2019.
Hoxe, dous anos máis tarde do ano 2019, mellor meto unha nova entrada pra non atafegar de novos fíos o foro.
Celebrouse hoxe na miña nación, a Galicia, o Día da Patria Galega do ano 2021.
As cousas son curiosas. O apóstolo Santiago é o patron da Galicia... e da España toda. Por tanto, o Rei Filipe VI foi ó acto relixioso, político, social e cultural da Ofrenda ó Apóstolo pola España. É un acto oficial institucional... que non foi retransmitido pola televisión pública oficial de toda a España; de feito, o presidente do goberno central, o socialista Pedro Sánchez, non foi e delegou a súa representación (polo seu laicismo e por non ser moi monárquico) nun subalterno de menor rango. Porén, toda a cerimonia foi retransmitida por unha emisora televisiva pública autonómica (rexional ou nacional segundo o consideremos) galega. E, malia que foi maioritariamente en castelán, unha boa parte estivo en galego, incluíndo que o Rei Filipe VI tamén falou en galego.
Avogo polo recoñecemento pleno da lingua galega en toda a España, e na filosofía internacional incluído o foro internético Sofos Ágora. Tamén avogo polo recoñecemento da nación galega nunha confederación española, poidendo ser tamén ibérica i europea. Especificamente, coa desaparición de tódalas armas de guerra do territorio galego. Poderiamos falar dunha Galicia desmilitarizada, mais con precisión o que propoño é unha Galicia desarmada e pacífica.
Cordialmente, de Alexandre Xavier Casanova Domingo, correo electrónico trigrupo @ yahoo . es (trigrupo arroba yahoo punto es). La imagen del avatar gráfico es una fotografía que me identifica realmente, no retocada, tomada en septiembre del año 2017.